نیکۆلا تێسلا و ثۆماس ئەدیسۆن: کامیان داهێنەرى باشتر بوون؟
نیکۆلا تێسلا و ثۆماس ئەدیسۆن: کامیان داهێنەرى باشتر بوون؟ ڕێکەوتى ١٠ / ٧ / ٢٠٢٠ یادى ١٦٤ەمین ساڵیادى لەدایکبوونى تێسلا بوو. ئەم زانایە سربى-ئەمریکییە کەسێکى زۆر بلیمەت بوو و داهێنانەکانى بوونە هۆى بەرهەمهێنانى سیستمە بەهێزەکانى پەیوەندیى ئەم سەردەمە. ثۆماس ئەدیسۆنى بەڕێوەبەرى پێشوو و ڕکابەرەکەى داهێنەرى بەناوبانگى دروستکردنى گڵۆپ بوو، هەروەها داهێنەرى فۆنۆگراف (ئامێرى تۆمارکردنى دەنگ) و وێنەى جووڵاو بوو. لە ساڵانى ١٨٨٠کان ئەم دوو بلیمەتە شەڕێکى گەورەیان لەنێوان خۆیاندا بەرپا کرد لەسەر ئەوەى کامە سیستمى کارەبایى لە جیهاندا پشتى پێئەبەسترێت: وزەى کارەباى گۆڕاو ( AC )ى تێسلا، یاخود وزەى کارەباى نەگۆڕ ( DC )ى ئەدیسۆن. لەناو زانستخوازەکاندا کەم گفتوگۆ هەن بەقەد بەراوردکردنى تێسلا و ئەدیسۆن گەرموگوڕ ببن. کەواتە کامیان داهێنەرى سەرکەوتوتر بوون؟ بێرنارد کاڕڵسن ( W. Bernard Carlson )ى نووسەرى (تێسلا: داهێنەرى سەردەمى کاربا) لە ساڵى ٢٠١٣دا دەڵێت: "هەردووکیان داهێنەرى جیاوازن، بەڵام ناتوانیت بڵێیت کامیان لەوەى تریان مەزنترە، چونکە کۆمەڵگاى ئەمریکى پێویس